غريب وأنا فى بلدى
كتبهامحمد حسن ، في 22 يناير 2007 الساعة: 22:15 م
تايه ف بحر الحياة
ضاع منّي خطّافي
هبّت رياح غدركم
كسرت لى مقدافى
وانا اللى كان همكم
فى القلب كان همّى
وانا اللى كان حملكم
شايله على اكتافى
********
أعيش فى ترف القصور
ولا احسنيش عايش
واتوه ف وسط الزحام
والناس تقول طايش
أدور والف البلاد
وارجع لأحبابى
ألاقى أكبر ما فيكم
يضربنى بالقايش
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يناير 23rd, 2007 at 23 يناير 2007 5:59 ص
كلنا غرباء فيكي يا مصر
يناير 23rd, 2007 at 23 يناير 2007 6:01 م
السلام عليكم
ماشاء الله ماشاء الله..
شاعر عامية متمكن بحق..
تايه فى بحر الحياة والضلمة تولدنى
أطلع ألاقى الهم والزحمة تحرتنى
يارب مالى مكان بين أهلى وصحابي
الكل باع مالقيتش شمعاية تسندنى
….
يناير 23rd, 2007 at 23 يناير 2007 7:44 م
أشكرك على مشاركتك الجميلة يا دكتورة حنان
بس على فكرة أنا شاعر على قدى
لكن واضح إنك شاعرة متمكنة فعلاً
على فكرة أنا أضفت مدونتك فى المفضلة عندى
يناير 23rd, 2007 at 23 يناير 2007 10:00 م
الأخ العزيز / محمد حسن
تحية طيبة
ألف مبروك على مدونة جادة من أول طالعة
و بالتوفيق و الى الأمام
و كلنا مقاومة
و هشارك بمقطوعة من أشعار الجميل أحمد فؤاد نجم :
يا مصر و انتى الحقيقة
و انتى اغترابى و شقايا
و انتى الجراح الرهيبة
و انتى اللى عندك دوايا
علمنى حبك عبارة
سهلة و بسيطة و قوية
شرط المحبة الجسارة
شرع القلوب الوفية
و دام تواصلنا
يناير 23rd, 2007 at 23 يناير 2007 11:11 م
الزميل الفاضل محمد
نحن بنى البشر كلنا هنا على سفر ولا نعلم ميعاد السفر، تحملنا سفينة واحدة وفيها مختلف البشر،فلا بُد أن يكون الحب بين البشر هو زادنا وزوادنا فى هذه الرحلة، لأننا لن نأخذ سواه ونحن بين يدى خالق البشر.
دعواتى لك بالتوفيق والمولى الحنون يقدم لك ما فيه الخير لك.
راندا شوقى
يناير 24th, 2007 at 24 يناير 2007 6:42 ص
أشكرك عبد المجيد على زيارتك لمدونتى وعلى فكرة أنا زرت مدونتك
وبدن مجاملة هى جميلة ومتنوعة
أتمنى التواصل ولك تحياتى
يناير 24th, 2007 at 24 يناير 2007 6:44 ص
الأخت العزيزة راندا
أشكرك على زيارتك وكذلك على مقترحاتك وأعدك بالمزيد إن شاء الله
بس عاوزك تعرفنى إننى لسة فى سنة أولى مدونات يعنى لسة فيه حاجات كتير معرفهاش
زلك تحيااااااااااااااااااااتى
فبراير 9th, 2007 at 9 فبراير 2007 2:54 ص
اول الكلام السلام من طيور الحجاز تزور و ترسل سلام لاهل النيل العظيم اهل الحضاره و الاهرامات اهل العلم سلام يعجز كل حمامات السلام حمله خالى من معاهدات و نصوص انسكب عليها كوب من الماء فذاب كل ما كتب ….
اشكرك لزيارتك مدونتى و بالفعل مدونه مميزه كلامك .. كلام مصري كله دلع و حب .. كلام كله نغم .. فكيف اذا كتب و صيغ به شعر ..ماذا يحدث …
و يا عزيزي اصعب الغربه غربت احضان الحبايب غربت البيت غربت من ليس له سوى وطن مستاجر ….؟؟
تحياتى
بنت النور ….dayan maxs
فبراير 9th, 2007 at 9 فبراير 2007 12:32 م
كلماتك رائعة وفقك الله وتكون شاعر مشهور تخدم دينك ووطنك العربي والعالم كله
شكرا على زيارتك لمدونتي وشكرا على التعليق
فبراير 9th, 2007 at 9 فبراير 2007 12:35 م
كلماتك رائعة وفقك الله لتكون شاعر مشهور لتخدم دينك ووطنك العربي والعالم كله
شكرا لزيارتك مدونتي وشكرا لتعليقك
فبراير 16th, 2007 at 16 فبراير 2007 6:34 ص
بسم الله الرحمن الرحيم
محمد أنت طلبت رأيي فرأيي أن الخواطر لكل أنسان لها مذاق خاص وعندما تقرأ لخواطر انسان ترى فيها ملامح شخصيته وانا أجدك قلب طيب روح مريحة تلقائي وطبيعي كأنك مع القاريء تحدثه
بالتوفيق
دائما بخير
فبراير 23rd, 2007 at 23 فبراير 2007 3:10 م
السلام عليكم
اخي محمد الخواطر التي كتبتها جميلة وانا اشجعك واتمنى لك التوفيق
واقول لك شكرا لزيارتك مدونتي وشكرا لتعليقك
فبراير 26th, 2007 at 26 فبراير 2007 5:10 م
كلمات رائعة
فى انتظار المزيد وللامام دائما
(يضربنى بالقايش) يعنى ايه؟؟؟
فبراير 26th, 2007 at 26 فبراير 2007 9:24 م
القايش فى مصر هو الحزام الموضوع على البنطلون لدى عساكر الجيش
ويضربنى بالقايش دليل على الحكم العسكرى وظلم الحكام
فبراير 28th, 2007 at 28 فبراير 2007 11:14 ص
حرفك جميل وقريب الى القلب
تحياتى وننتظر المزيد
ايهاب